21-O: Unha noite electoral longa para uns e moi curta para outros

O PPdeG amplía a súa maioría absoluta en Galicia con Núñez Feijóo, Beiras saca músculo aos seus 76 anos con Alternativa Galega de Esquerda e PSdeG e BNG afúndense con Pachi Vázquez e Francisco Jorquera. Este é o resumo dunha xornada electoral, a de onte, cunha abstención, sumada aos votos nulos e en branco por riba do 40%. Os ‘populares’ pasan de 38 escanos a 41, o PSdeG de 25 a 18, o BNG de 12 a 7, e irrumpe con forza Alternativa Galega de Esquerda con 9, convertíndose deste xeito na terceira forza política galega en detrimento do BNG.

Se fixamos o foco en Pontevedra cidade a cousa cambia: o PP deixouse polo camiño máis de 4.715 votos con respecto a 2009, o PSdeG 6.400, mentras que o BNG incrementa o seu apoio en case un cento de votos e Alternativa Galega de Esquerda dispárase por riba dos 5.000.

The post 21-O: Unha noite electoral longa para uns e moi curta para outros appeared first on Ponte.tv.